أسأل عليك الناس وين انت غايب
القلب من فركاك شاف المصايب
..................
بين القلب والعين أهنا أخليك
وأكتب خطر ممنوع محد يمر بيك
..................
يسألني ملك الموت روحك شجاها
كتله حبيب الروح قبلك خذاها
..................
أسمك طبع بالروح وبدمي يجري
غيرك فلا حبيت بس الله يدري
..................
ليش التريده الروح يصعب عليها
والما تريده يصير محبس يديها
..................
الدمعة سم ونار والحسرة تيزاب
ومن فركتك يهواي حتى القلب ذاب
..................
شمالك يابعد الروح جف حبرك وياي
منك ردت بس بيت لاتكتب هواي
..................
مو من مرض ونيت من كثر لهموم
صدكني قلبي عليك كل ساعة ملجوم
..................
اترجف عليك اعضاي كل ساعة وتلوج
ودموعي عالخدين روج بأثر روج
..................
بسمك اسمي الناس صارتلي سولة
وحتى أسمي أغلط بيه واسمك اكولة
..................
تقبلوا مودي