من طرف ورد الليالي السبت يوليو 03, 2010 10:20 pm/ اتنين صحاب واحد قال للتاني اعلمك الرزالة وتعلمني الرخامة ؟؟ قاللوا ماشي راح صاحبه قال هي دي الرزالة وجاب التليفون وطلب رقم غلط وقال هشام موجود ؟ قالوا له الرقم غلط طلب تاني هشام موجود ؟ قالوا الرقم غلط وكرر كده كذا مرة وقال هي دي الرزاله راح صاحبه قالله هات التليفون وطلب نفس الرقم وقال انا هشام حد سال عليا ؟؟؟؟؟ وهي دي الرزاله
__________________________________________________ _______________________
2/ واحد ماشى ورا وحدة قالها الحلوة وراها مشوار قالتلة لا وراها حمار
__________________________________________________ _____
3/واحد دخل مجمع استهلاكى وسأل عن الفراخ فساله الموظف عايز فراخ صاحيه ولا مدبوحه؟؟ قال مدبوحه ، قال له اطلع الدور الثانى.......طلع وسأل عن الفراخ المدبوحه فقال الموظف عايزها مقطعة ولا صحيحة ؟؟ فقال له مقطعه ، قال له اطلع الدور الثالث ..... وقابل موظف اخر وسأله عن الفراخ المدبوحة ومقطعه فقال له عايزها متكيسة ولا لأ ؟؟ قال له متكيسة فقال له اطلع الدور الرابع . طلع الدور الرابع وقابل موظف اخر وقال له عايز فراخ مدبوحة ومقطعه ومكيسة
فرد الموظف وقال له مافيش فراخ بس ايه رأيك فى النظام
__________________________________________________ _______________________
4/مرة واحدة ست بتقول لجارتها الحقيني يا أم محمد بعت جوزي يجيبلي
ملوخية راح مخبوط بأتوبيس ... يالهوي وعملتي إية .. عملت بامية وامري لله
__________________________________________________ _______
5/تلاته اندال اتفقوا يشوفوا مين اكتر نداله الاول شاف راجل عجوز
عايز يعدي الشارع مسك ايده و سابه في نصف الشارع واتاني عداه وضربه التالت ضحك وقال انا اكتر نداله الراجل ده يبقي ابويه
__________________________________________________ ________________________
6/ مره واحد تاجر كتاكيت ماشي بالعربيه وفيها كتاكيت وقفته لجنه تموين وقال له المفتش: الكتاكيت دي بتأكلهم ايه؟ رد عليه وقال له : درة يا بيه..... فقال له المفتش انتو ما بتفهموش حاجة الكتاكيت دي بتاكل علف........ وراح عمله غرامة 1000 جنيه.... راح مشي التاجر بالعربيه وهو في الطريق وقفته لجنه تموين تاني وقال له المفتش انت بتأكل الكتاكيت دي ايه قال له بأكلهم علف يا بيه فقال له المفتش انت ايه يا أخي انت ما بتفهمش دي بتاكل درة وعمل له غرامه 1000 جنيه وبعد شويه وهو ماشي وقفته لجنه تموين تاني وقال له المفتش انت بتأكل الكتاكيت دي ايه قال له يا بيه انا كل يوم الصبح ادي كل كتكوت جنيه وهو ياكل اللي هو عايزه
__________________________________________________ ______________________
7/ مرة واحد محشش لقي كنز قال: كويس فاضل الخريطة!!..
____________________________________________
8/مرة واحد غبي ماشى فى الشارع قال يارب يااااارب احط ايدى في جيبى الاقى 10جنيه يااااارب، حط ايده في جيبه لاقاه مخروم رجع يدور عليها لتكون وقعت
__________________________________________________ _________________________
